MD/RO
В Вулканештах состоялась яркая презентация нотных сборников Михаила Пачи — «Bucak sesi» и «Kıvrak avalar», посвящённых традиционной и современной гагаузской музыке.
Сборник «Bucak sesi» включает 25 композиций на темы семьи, дружбы, времён года и национальных праздников, в «Kıvrak avalar» вошли 13 музыкальных произведений.
На мероприятии присутствовали начальник Управления культуры Гагаузии Марина Семенова, а также известные артисты региона, которые поддержали коллегу.
🔷 Büün, küçük ayın 26-ndä, gagauz halkın kulturası hem ruh zenginiin kooruması içün önämlü bir olay geçti. 2025-ci yılda, Gagauz dilini kurtarmak fondun finans yardımınnan karar verildi iki muzıka toplumunun tipardan çıkarmaa: «Bucak Sesi» hem «Kıvrak Avalar».
Bu kıyatların avtoru — Gagauziyada anılmış türkücü, kompozitor, terbiedici, Gagauz kulturasının şannı izmetçisi Mihail Paçi.
🔶 Bu toplumnar diil bir sırav yazı: herbir sayfa — o halkımızın istoriyası, geçmişi hem gelecää bakış.
👉 Sţenaya kutlamak laflarlan katıldılar:
- ✅ Gagauziya kultura genel bakannıın başı — Marina Semönova;
- ✅ Komrat Devlet Universitetin İncäzanaat kafedranın Başı, «Düz Ava» gagauz hem türkü oyun ansamblisinin artistik öndercisi — Tatyana Şögoleva;
- ✅ Komrat muzıka şkolasının üüredicisi — İrina Poydolova;
- ✅ Komrat kasabasının 9-cü uşak başçasının muzıka terbiedicisi — Lüdmilaya Mitioglo;
- ✅ Valkaneş kasabasının muzıka şkolasının başı — Çerneva Mariya.
🔷 Marina Semönova açıkladı, ki gagauz muzıka kulturası bizim halkımıza deyni nicä bir ip, angısı birleştirer hepsi gagauzları bir ayleya. Bölä proektlär, nicä bu toplumnarın üzä çıkması, Ana dilimizi hem dedelerdän kalma avaları kooruyêr, halkımıza inanmaa verer ki zengin bir gelecää sahibiz.
🔶 Gözäl atmosfera salada kurdular: “Suita” orkestrusu, Elena hem Sofia Paçi, Sergey İvanov, İvan Babov, Andrey İvanov, Çadır-Lunga uşak şkolasının üürenicileri, Komrat muzıka şkolasının hem Valkaneş muzıka şkolasının üürenicileri.
🔷 Tanıtımın sonunda, Mihail Paçi hepsi pay alannara kendi eni kıyatlarını baaşladı hem şükür etti — yazılmasında hem tipardan çıkarmasında pay alan hepsinä.
🔶 Gagauziya kultura genel bakannıı, Mihail Paçiya şükür eder: bu toplumnarı başa çıkarmaa büük zaamet koydu. Muzıka incääzanaatında bütün neetleriniz, yaratmalarınız hem çalışmalarınız aslıya çıksın.
Allaa versin, çok yıllar ayakta durasınız, gagauz kulturasında çalışasınız!
